Altermundo.org é un portal rebelde que está a agromar para contrainformar, reflexionar e berrar. Dende abaixo e á esquerda altermundo.org pretende achegar á comunidade galegofalante –e tamén aos millóns de persoas que comparten o tronco común galaico-luso-brasileiro– todo ese outro mundo que se opón á depredación neoliberal. Andamos na procura de humanidade e reflexión, xustiza para os pobos e desenvolvemento sustentábel, crítica e democracia participativa, autodeterminación e igualdade… Buscamos, ao cabo, revolución.

Neste contexto expoñemos un plan de traballo aberto a quen teña inquedanzas e quera colaborar, e animamos aos rebeldes e ás rebeldes a rexistrarse en altermundo.org e a enviar as súas colaboracións.

Do que somos

ALTERMUNDO é un PROXECTO INTEGRAL DE COMUNICACIÓN ALTERNATIVA E TRANSFORMACIÓN SOCIAL. DENDE GALIZA E EN GALEGO.

Ámbito de traballo

Altermundo traballa fundamentalmente no campo dos movementos sociais e das alternativas –de producción, de artellamento social, de pensamento, políticas, etc.– de carácter antihexemónico que se desenvolven quer a nivel galego quer a nivel planetario.

Dende o punto de vista xurídico é unha Asociación Cultural e Social inscrita no Rexistro Central de Asociación con número 2007/011114-1. Nos estatutos da devandita asociación saliéntanse os seguintes fins:

1. Creación dun espazo de debate e reflexión sobre os movementos sociais mundiais e a difusión das actividades destes movementos dende a óptica da comunidade galega
2. Contribuír a difundir e estudar as alternativas á globalización neoliberal que se desenvolven polo mundo, especialmente nos países en desenvolvemento
3. Axudar á procura de humanidade e reflexión, xustiza para os pobos e desenvolvemento sustentábel, crítica e democracia participativa, autodeterminación e igualdade
4. Formar e educar no respecto e a tolerancia, na paz e na igualdade de xénero
5. Desenvolver actividades que enxalcen o internacionalismo e a autodeterminación dos pobos do mundo
6. Defender as linguas e culturas do mundo, nomeadamente a de Galiza
7. Colaboración con comunidades, especialmente do sur do planeta, que anden na procura de modelos de autoxestión e autoorganización alternativos ao sistema capitalista imperante no mundo

Liñas principais de actuación

Altermundo traballa principalmente en tres campos:

Tipos de contidos e informacións

Altermundo fornece dos seguintes aspectos informativos:

De como xeramos a información

Traballamos con dunhas canles de información:

1-. Información propia: elaborada por colaboradoras e colaboradores de Altermundo ou enviada especialmente para ser publicada por Altermundo. É difundida polas nosas canles principais: internet e publicacións en papel (suplemento Altermundo, por exemplo).

Altermundo porá este tipo de información propia baixo a licenza ‘Creative Commons’, non suxeita á propiedade intelectual estrita, de xeito que permita a súa difusión, traducción e copia citando a procedencia e o autor ou autora.

2-. Información allea: procedende doutros medios e persoas cos que colabora Altermundo e que xa publicaron eses contidos noutros lugares ou de fontes que publican baixo a licenza ‘Copyleft’ e ‘Creative Commons’.

Dentro desta información allea está tamén o labor de traducción ao galego de documentos e informacións que sexan relevantes ou de interese para as liñas estratéxicas de Altermundo e para ser publicadas en Galiza, como xa se vén facendo dende hai máis de dous anos en Altermundo.org.

Neste apartado Altermundo xa mantén relacións directas con diversos medios e axencias do mundo, así como o permiso de publicación de textos xerados por autores e autoras relevantes.

De como difundimos a información

Tres canles principais:

1-. Internet

1.1-. Páxina web Altermundo.org. A web é un punto de información e reflexión estratéxico para Altermundo que xa recibe máis de 1.000 vistas diarias dunha media de 875 usuarios. Leva en funcionamento dous anos.

1.2-. Rede de contactos electrónicos de Altermundo, aos que se lles envía información directamente.

1.3-. Difusión da información xerada en galego por colaboradoras e colaboradores cara outras linguas do mundo. Neste eido, Altermundo traduce de cando en vez artigos dende o galego para enviar a outros medios. Os artigos sempre levan o seguinte pé: “Artigo traducido do galego orixinal para…”. (ver un exemplo real). Está na estratexia de Altermundo implementar este campo cunha futura rede de tradutores/as que envíen ao mundo as reflexións e informacións galegas.

2-. Medios tradicionais

Altermundo pretende servir de ponte entre a difusión de información e pensamento en canles como internet ou o interior dos movementos sociais e os medios de comunicación tradicionais. Neste eido temos unha liña xa aberta e outra a desenvolver:

2.1-. Suplemento Horizontal Altermundo: funciona, con 12 páxinas cada derradeiro domingo de mes, dende maio de 2007. É froito dun convenio de colaboración entre Altermundo e o xornal Galicia Hoxe, mais independente deste xornal. Galicia Hoxe fornece da impresión e difusión do suplemento e Altermundo encárgase da súa produción completa. Está na estratexia de Altermundo facer medrar este suplemento en páxinas e contidos, así como en difusión. Deste xeito, o suplemento envíase por correo convencional ás socias e socios de Altermundo. Asemade, o suplemento publícase integramente na web días despois de saír co xornal. O suplemento horizontal Altermundo conta cun Consello de Redacción formado por:

2.2-. Axencia Altermundo: está en proxecto a creación aos poucos dunha canle para intentar fornecer –melor introducir– de información a medios tradicionais, tratando de xestionar a ver se publican contidos creados por colaboradoras e colaboradores de Altermundo (artigos de columnistas, etc). Neste eido, Altermundo tratará de establecer convenios de colaboración con outros medios de comunicación convencionais.

3-. Outros

Altermundo funciona tamén como instituto de estudo e difusión, organizando e colaborando en xornadas, congresos, conferencias, accións, etc. amais de seguir a deseñar unha estratexia para producir publicacións propias.

De como estruturamos a información

Altermundo artella a información en dous eixes principais –temas e rexións– que van medrando segundo as necesidades e que definen tamén a súa web. Asemade conta con outros apartados e vai desenvolvendo outras categorías que precisan dun tratamento especial. O esquema, do que a meirande parte –90%– xa está a funcionar e dá tamén estrutura a altermundo.org. Podes ver o Mapa do Sitio. 

COLABORACIÓNS: Altermundo.org está creado cun programa de código aberto. Se queres colaborar enviando só un texto tamén o podes facer dende esta ligazón. Tamén mantemos unha LISTA DE CORREO que informa sobre novos contidos periodicamente e na que te podes subscribir premendo aquí.

As socias e socios de Altermundo manifestan apoiar este proxecto para que vaia medrando como plataforma feita dende e para os movementos sociais do mundo. Asemade, reciben o suplemento horizontal Altermundo en papel, así coma outras informacións, e teñen acceso aos espazos de poblicación do proxecto.

FAITE SOCIO/A DE ALTERMUNDO!!