Desde FugaEmRede nom podemos deixar de apoiar às redes bascas do movimento que tentam escapar ao poder soberano nas suas diferentes expressons militares, mas moito em particular à que de jeito mais efectivo, concreto e inmediato se padece em Euskal Herria…

Chegam-nos notícias de outras partes de este território antagonista global no que loitamos. A excepcionalidade como paradigma governativo do Estado espanhol, porem que anunciada, nom deixa de sorprendermo-nos cada dia com algumha notícia. Perante nós mais umha vez o espectáculo surrealista de tentar encarcerar às ideas arrestando a pessoas que as representam.

Desde FugaEmRede nom podemos deixar de apoiar às redes bascas do movimento que tentam escapar ao poder soberano nas suas diferentes expressons militares, mas moito em particular à que de jeito mais efectivo, concreto e inmediato se padece em Euskal Herria: a forma- Estado que mira de instituir o seu império por meio da estratégia da tensom. A detençom da mesa nacional de Batasuna (da sainte e da entrante) afonda num novo tempo de politicas repressivas implementadas por umha esmorecente forma-Estado que só pode achar na lógica de guerra civil a sua derradeira esperança por atopar um lugar no emergente modo de mando global.

Queremos mostrar hoje a nossa solidariedade activa com as redes antagonistas do movimento em Euskal Herria que desde fai tempo, embora as resistências próprias e alheas, luitam por sair do calexom sem saida que constitue o poder soberano nas suas expressons.

As ferramentas da politica repressiva europea nom deixam perfeicionar o manual da perverssom. Desde há meses, medra a repressom e o silenciamento mediático em México e mais em Chiapas mais no particular. Na Palestina histórica o avance imparável da geopolitica exterminista implementada pola potência israelo- americana, extensivel a todo o Oriente Próximo. Na Europa enteira, de Dinamarca até Itália, o constante ataque aos espacos liberados (CSOA's). Fai uns dias em Milano pola proibiçom de um mural em memoria de Carlo Guiliani, memória viva por um outro mundo possível. Na Galiza com a detençom de dúzias de militantes independentistas ou mais proxima no tempo a razzia contra migrantes na cidade da Corunha. Desde o micro ate o macro, perante a repressom do emergente modo de mando global, hoje só podemos voltar a anunciar que "a repressom nunca nos cortará as âs". "Olha quem nos toca!!!"

Na Galiza Global, 5 de outono de 2007

info:

http://www.eitb24.com/noticia/es/B24_69291/politica/MACROOPERACION-POLICIAL-22-detenidos-redada-Mesa-Nacional/

http://enlacezapatista.ezlnorg/mx

http://mexico.indymedia.org/oaxaca

http://www.petitiononline.com/urbanvis/petition.html 

http://palestinesolidarityproject.org/