En xuntanza celebrada en Berlín do Consello Internacional do Fórum Social Mundial resolveuse facer un chamamento a un Día de Mobilización e Acción Global para o 26 de xaneiro de 2008. Porque un outro mundo é posíbel.

[FSM]

Chamamento a un Día de Mobilización e Acción Global - 26 de xaneiro 2008

Somos millóns de mulleres e homes,
organizacións, redes, movementos e sindicatos de cada recuncho do planeta,
aldeas e rexións, zonas rurais e centros urbáns
de todas as idades, pobos, culturas e crenzas
unidos e unidas pola firme convicción de que

OUTRO MUNDO É POSÍBEL

Con toda a nosa pluralidade, diversidade e riqueza de alternativas e propostas loitamos contra o neoliberalismo, a guerra, o colonialismo, o racismo e o patriarcado que xeran violencia, explotación, exclusión, pobreza, fame, desastre ambiental e negación dos dereitos humanos.

Levamos moitos anos de resistencia e de construción de procesos innovadores, de novas culturas de organización e acción, do local ao global, en particular, dende o proceso e a Carta de Principios do Foro Social Mundial do que emerxe esta chamada.

Concientes da necesidade de construír a nosa axenda propia e de aumentar o impacto destas miles de expresións e manifestacións comprometémonos a reforzar a solidariedade e as converxencias entre as nosas loitas, campañas, construcións de alternativas e alianzas.

Comprometémonos a unha Semana de Acción que culminará nun Día de Mobilización e Acción Global o día 26 de xaneiro do 2008

Invitamos a que todas e todos, dentro da diversidade que é a nosa forza, realicen creativamente nesta data accións, actividades, eventos e converxencias sobre temas e en formas que lles son propios.

ACTUEMOS XUNTAS E XUNTOS POR UN OUTRO MUNDO!

Acceda ao sitio web http://www.wsf2008.net/ para asinar o chamamento, ver unha breve historia do día de mobilización e acción global e para saber como participar da súa preparación.