Ex dirixente de Greenpeace "O modelo neoliberal de Europa está desacreditado"

A altermundista Susan George, que leva anos estudando as desigualdades entre países ricos e pobres, incidiu, respecto da crise climática, en que a sociedade ás veces esquece que os seus efectos "non se poden reverter".

En canto á substitución á fronte da Casa Branca, a autora do Informe Lugano, unha das súas publicacións sobre a crise do capitalismo, mostrou a súa "esperanza" no presidente electo de EEUUEstados Unidos, Barack Obama, de quen destacou que "necesita tempo" para decidir por onde empezar. "A situación do país é un desastre en Educación, en Sanidade, en Economía, no Exército e tamén en Xustiza. Ademais agora está a crise do sector do automóbil, que pode afectar a preto de catro millóns de empregos", dixo.

Para a altermundista, Obama ten oportunidade de ser un "gran presidente", aínda que se manifestou preocupada pola súa "timidez", porque coñece "pouca xente", e polo nomeamento do xefe de Gabinete, Rahm Emmanuel, "un coñecido sionista". Tamén sinalou que estaría "moi preocupada" se nomea a Larry Summers como secretario do Tesouro, quen xa ocupou o cargo con Bill Clinton pois "manifestouse favorable a alagar África con produtos tóxicos".

Respecto de Europa e as directivas sobre Traballo, a coñecida como Volkestein e outras, a activista criticou que as institucións, "a Europa oficial", estean a favor do modelo neoliberal que está "totalmente desacreditado".

Documentación

Susan George é coñecida internacionalmente tanto polo seu rol como ex dirixente de Greenpeace como por ser autora do Informe Lugano, Como morre a outra metade: as verdadeiras razóns da fame no mundo, ou O pensamento secuestrado: como a dereita laica e a relixiosa se apoderaron dos Estados Unidos.