O FSGal en marcha
Altermundo   
Martes, 07 de Outubro do 2008

Actividades provisionais, espazos paralelos, programación cultural A horizontalidade do primeiro FSGal en marcha.


PUBLICADAS AS ACTIVIDADES DO FORO SOCIAL GALEGO

O prazo para enviar os datos definitivos das actividades, refundilas se é o caso e relaizar o pagamento remata o 24 de outubro. A primeira semana de novembro publicarase a programación definitiva do FSGal.

O FSGal 2008 conta con 25 actividades de xeito provisional. Os colectivos promotores teñen até o 24 de outubro para achegar os datos definitivos das súas actividades segundo o modelo de formulario de envío de solicitudes (título definitivo, ponentes, formato, aforo aproximado, necesidades técnicas, duración da actividade, etc.) e tamén até esa data para facer o ingreso da cota por actividade na conta do FSGal. A programación definitiva será publicada na primeira semana de novembro.

MOITAS DAS ACTIVIDADES ESTÁN ABERTAS Á COLABORACIÓN DOUTROS MOVEMENTOS E PERSOAS. PODEN CONTACTAR COS OU COAS RESPONSÁBEIS OU PROMOTORAS/ES DELAS OLLANDO OS CONTACTOS QUE SE FACILITAN NA LISTAXE: http://forosocialgalego.org/index.php?option=com_content&task=view&id=42&Itemid=46

ESPAZOS PARALELOS DO FORO SOCIAL GALEGO (fai as túas propostas)

O FSGal contará cun espazo de proxeccións audiovisuais con programación continua, cun espazo de comunicación tamén continuo, cunha carpa de movementos sociais e cunha programación cultural. O prazo para enviar propostas para o espazo de proxeccións e o espazo de comunicación remata o 24 de outubro se é que se desexa sexan incluídas no programa de man.

Ábrese un prazo até o 24 de outubro para cubrir a programación de TRES NOVOS ESPAZOS TRANSVERSAIS paralelos ás actividades do Foro Social Galego:

  1. Espazo de Proxeccións Audiovisuais (con programación continua). ENVIAR PROPOSTAS A: Este enderezo de correo-e está protexido contra spam bots, necesitas ter o Javascript activado para podelo ver
  2. Espazo de Comunicación, dedicado este último á presentación de libros, campañas, iniciativas, manifestos, rodas de prensa, etc., cun tempo limitado. Terá unha programación continua. ENVIAR PROPOSTAS A: Este enderezo de correo-e está protexido contra spam bots, necesitas ter o Javascript activado para podelo ver
  3. Carpa de movementos sociais: os movementos sociais adheridos ao proceso do FSGal disporán dun espazo na carpa de actividades. Para facer adhesións: PREME AQUÍ. O PRAZO DE RECEPCIÓN DE ADHESIÓNS REMATA O 15 DE NOVEMBRO

PROGRAMACIÓN CULTURAL DO FORO SOCIAL GALEGO

O Foro Social Galego terá unha programación cultural consistente en diferentes actividades, concertos, teatro, etc. Para colaboracións, suxestións ou propostas enviar unha mensaxe a: Este enderezo de correo-e está protexido contra spam bots, necesitas ter o Javascript activado para podelo ver

ORGANIZA UNHA CHARLA INFORMATIVA SOBRE O FORO SOCIAL GALEGO

O Consello do FSGal manifesta a súa disposición a facilitar a organización de charlas informativas sobre o desenvolvemento do Foro. Colectivos e persoas interesadas en levar ás súas localidades esta iniciativa deben autoxestionar a convocatoria da charla e o Consello tratará de buscar xente para explicar calquera aspecto organizativo do FSGal. As convocatorias serán tamén publicadas nesta web. Podes contactar con: Este enderezo de correo-e está protexido contra spam bots, necesitas ter o Javascript activado para podelo ver


Altermundo
Sobre o autor ou autora:
Artigo inserido ou creado por Altermundo.org
Ler máis >>
 
< Ant.   Seg. >