Entre os manifestantes había delegacións de África procedentes do avión fornecido polo presidente senegalés Wade, que rexeita os APE.

Pasaron 6 anos desde que a UE empezou a negociar cos países ACP –África, Caribe e Pacífico– para cambiar o Sistema de Preferencias Comerciais que garante o libre acceso ao mercado europeo para moitos produtos. Os novos acordos, APE, prevén o libre comercio entre a UE e a ACP. Mais as consecuencias poden ser dramáticas para África e levar á ruína á agricultura, ao desmantelamento do tecido industrial e á perda dos impostos aduaneiros que constitúen unha ganancia esencial para algúns Estados africanos. Os APE, que debían entrar en vigor o 31 de decembro de 2007, foron rexeitados pola maioría dos países africanos, durante o cume Europa-África que tivo lugar en Lisboa o decembro pasado.

+INFO: www.gloobal.net