Centos de nenos e nenas están sendo recrutados por parte de grupos armados rivais da República Democrática do Congo e enviados ás liñas de fronte do conflito que ten lugar na provincia de Kivu Norte, segundo a Misión da ONU no país africano –MONUC. A axencia identificou ao Congreso Nacional para a Defensa do Pobo, do xeneral Laurent Nkunda, e a Fronte Democrática de Liberación de Ruanda, como os dous principais grupos responsábeis dos recrutamentos de moitos dos 8.500 ex nenos soldados resgatados pola ONU e outras ONG desde 2004. Acoden a colexios e campamentos para desprazados a recrutar aos nenos, o que conduciu ao peche de varios colexios. Esta advertencia súmase ás crecentes preocupacións da ONU pola situación humanitaria en Kivu Norte. Na actualidade, estímase que uns 800.000 congoleños atópanse desprazados na rexión, entre eles 170.000 que se viron obrigados a fuxir nos últimos catro meses.

+INFO: www.canalsolidaro.org