Logo da celebración dun novo Cume dos Pobos do Sur –17 de decembro en Montevideo–, os movementos sociais de América veñen de emitir unha declaración para ratificaren a súa aposta política pola integración dos seus pobos. Na dita declaración, recoñecen os atrancos que as elites tradicionais impoñen aos procesos de transformación social e fan especial referencia a Bolivia, condenando os intentos de desestabilización democrática dos gobernadores da Media Lúa. A declaración reafirma tamén a súa oposición aos tratados de libre comercio, nomeadamente a sinatura dun tratado entre Mercosur e Israel. Do mesmo xeito, apoian a creación do Banco do Sur, mais esixen a participación dos movementos sociais nas decisións.

Entre outras cousas, saudaron tamén a apertura dunha auditoría do estado das débedas en Ecuador e demandan a renegociación dos tratados de Itaipu e Yacyreta, así como novamente a retirada da Minustah de Haití.

+INFO: movimientos.org