| Carta aberta sobre o Banco do Sur |
| Xubileo Sur | |
| Luns, 10 de Decembro do 2007 | |
 En ocasión da vindeira sinatura, en Bos Aires, da Acta Fundacional do Banco do Sur, centos de movementos, redes, organizacións sociais e persoeiros de América Latina e do mundo están a entregar aos Presidentes de Arxentina, Bolivia, Brasil, Ecuador, Paraguai, Uruguai e Venezuela, unha Carta Aberta que expresa a súa expectativa ante a creación da nova institución financeira.POR UN BANCO DO SUR ORIENTADO A UNHA MATRIZ SOBERANA, SOLIDARIA, SUSTENTÁBEL E INTEGRADORA PARA O DESENVOLVEMENTO DO CONTINENTE SEGUNDA CARTA ABERTA (Ver primeira carta) Aos Señores Presidentes de Arxentina, Bolivia, Brasil, Ecuador, Paraguai, Uruguai e Venezuela Coa nosa consideración: Por segunda vez dirixímonos a Uds. para expresar a enorme expectativa aberta nos nosos pobos pola iniciativa de creación do Banco do Sur. Anímanos tamén a resposta positiva de novos países de América do Sur, que manifestaron o seu desexo de participar do Banco do Sur. Os asinantes somos redes, organizacións e movementos sociais, sindicatos e académicas/cos, que vimos loitando contra o flaxelo da débeda pública ilexítima e das políticas e prácticas perversas das institucións financeiras internacionais existentes e do actual sistema de comercio mundial. Estamos convencidas/dos de que a decisión tomada de crear o Banco do Sur pode representar un enorme paso e oportunidade non só para América do Sur, senón que para América Latina e o Caribe como así tamén, outras rexións do Hemisferio Sur. Vimos dunha historia recente de loita contra as ditaduras en case que todo o continente. Isto explica o noso empeño en abrir e instituir novos espazos de participación e de democracia directa. Con todo, a forma pouco transparente e non participativa como se desenvolven a negociacións para a creación do Banco do Sur, sen debate público e sen consulta ás nosas sociedades, pode indicar que estamos fronte a algo que pode volverse máis do mesmo. É a nosa convicción que unha nova entidade financeira Sur-Sur debe orientarse a superar tanto as experiencias negativas de apertura económica –coa secuela de sempre maior endebedamento e drenaxe de capitais–, desregulación e privatización do patrimonio público e dos servizos básicos sufridos pola rexión, así como dos hoxe xa amplamente recoñecidos comportamentos non-democráticos, non transparentes, regresivos e desacreditados dos organismos multilaterais, como o Banco Mundial, o CAF, o BID e o FMI. A nosa historia recente mostrou que as súas opcións de política económica e socio-ambiental, impostas aos nosos gobernos a través de condicionalidades, resultaron en descapitalización e desindustrialización das economías da rexión, e aprisionáronas ao modelo agro-mineral-exportador, que frea o seu desenvolvemento e profunda a situación subalterna ás economías do Norte, as inequidades sociais, os danos ecolóxicos e as débedas "eternas" –financeira, histórica, social, cultural, ecolóxica. Coñecendo a importancia de que os países comprometidos até agora coa creación do Banco do Sur cheguen a un acordo sobre temas-clave relacionados coa súa natureza e obxectivos, a súa estrutura financeira e operativa, cremos esencial exporlles as proposicións seguintes, que expresan as aspiracións de amplos sectores das sociedades dos nosos países, de acordo á manifesta expresión dos seus principais axentes sociais consultados: 1. Que o Banco do Sur se oriente a promover unha nova matriz de desenvolvemento, cuxos valores fundamentais sexan a soberanía dos nosos pobos sobre o seu territorio e o seu propio desenvolvemento, a autodeterminación responsábel das nosas políticas económicas e socio-ambientais, a solidariedade, a sustentabilidade e a xustiza ecolóxica; que para o Banco, o desenvolvemento económico e tecnolóxico sexan concibidos como medios para o obxectivo superior que é o desenvolvemento humano e social; 2. Que a acción do Banco do Sur sexa determinada por metas concretas, como o pleno emprego con dignidade, a garantía da alimentación, a saúde e a vivenda, a universalización da educación básica pública e de balde, a redistribución da riqueza superando inequidades, até as de xénero e etnia, a redución das emisións de gases-invernadoiro, e a eliminación dos seus impactos sobre as poboacións do continente e os restantes pobos do Sur. 3. Que o Banco do Sur sexa parte integral dunha nova arquitectura financeira latino- americana e caribeña, que inclúa un Fondo do Sur, con función de Banco Central continental, capaz de articular un gran sistema de pagos continental coa máis avanzada plataforma telemática; capaz de ligar as políticas que promoven a estabilidade macroeconómica coas políticas de desenvolvemento e de redución das asimetrías estruturais; e contemple o desenvolvemento futuro dun sistema monetario común ao servizo dunha estratexia de fortalecemento de lazos económico- comerciais ao interior da rexión, introducindo intercambios con moedas nacionais, e traballando polo establecemento dunha moeda rexional polo menos para os intercambios intra-rexionais. A construción dun espazo de soberanía monetaria e financeira supranacional require dotarse de moita flexibilidade local, para evitar tentacións subimperialistas e o triunfo da ortodoxia monetarista en certos aspectos, como na experiencia europea recente. 4. Que o Banco do Sur sirva para recuperar valores relativos ás débedas histórica, social e ecolóxica, das cales os nosos pobos son acredores. Que os seus financiamientos busquen superar as asimetrías e desigualdades sociais e os danos ambientais que se perpetuaron desde hai máis de cinco séculos no continente. 5. Que o Banco do Sur contemple a participación das organizacións cidadás e os movementos sociais non só na elaboración da súa arquitectura orixinal, senón tamén na toma de decisións financeiras e operacionales e no monitoreo da utilización dos fondos adxudicados. 6. Que o Banco do Sur exerza a súa dirección de forma igualitaria entre os países membros, institucionalizando e mantendo o principio igualitario de "un socio un voto" en todos os seus niveis de decisión colexiada; e aspire a canalizar os recursos de aforro da mesma rexión. 7. Que as subscripciónss de capital do Banco do Sur sexan proporcionais á capacidade das economías dos seus países membros; que outras fontes de capitalización do Banco do Sur inclúan parte das reservas internacionais e empréstitos dos países membros, impostos globais comúns e doazóns. Deben ser excluídos os recursos financeiros das actuais institucións financeiras multilaterais e de Estados que perpetraron o saqueo do noso continente. Que estes dispositivos do Banco do Sur permitan o aumento crecente da aplicación das reservas dos países membros fóra do area do dólar e do euro, e alenten o retorno dos capitais nacionais depositados no estranxeiro. 8. Que o Banco do Sur estea comprometido coa transparencia na xestión, rendendo contas públicas do seu funcionamento e actividade, someténdose á auditoría externa permanente dos seus préstamos e do seu funcionamento interno con participación social. 9. Que, para que o Banco do Sur non sexa "máis do mesmo", pondérese en forma permanente a calidade, austeridade e eficiencia da administración, prohibindo calquera privilexio de inmunidade aos seus funcionarios, afirmada na máis plena transparencia informativa en tempo real e o control democrático e social da xestión. Para evitar gastos excesivos e desviacións burocráticas, constitúase un corpo de funcionari@s/compáct@s e, á vez, diversificado, eficiente, eficaz e administrativamente polivalente. 10. Que os préstamos sexan destinados á promoción dunha integración rexional xenuinamente cooperativa, baseada en principios como a subsidiaridade activa, a proporcionalidade e a complementariedade; financiando proxectos de investimento público; atendendo ao desenvolvemento local autoxestionario e impulsando o intercambio comercial equitativo e solidario entre labregos familiares, pequenos produtores, sector cooperativo e de economía social solidaria, comunidades indíxenas e tradicionais, organizacións socioeconómicas de mulleres, de pescadores, de traballo, de identidade, etc. 11. Que o Banco do Sur adopte como prioridade de investimento proxectos que se orientan á soberanía alimentaria e enerxética; investigación e desenvolvemento de tecnoloxías apropiadas ao desenvolvemento endóxeno e sustentábel da rexión, até os software libres; a produción programada e complementaria de medicamentos xenéricos; a recuperación dos saberes ancestrais dos nosos pobos, sistematizado e aceptado como ciencia agroecolóxica; a promoción da xustiza ambiental; o fortalecemento dos servizos públicos; o apoio ás vítimas de desprazamentos forzados; o fomento da comunicación e a cultura intra-rexional; a creación dunha universidade do Sur e un sistema de equivalencia de diplomas en toda a rexión; e a infraestrutura a partir doutras lóxicas de organización do espazo, que instrumenten as comunidades para o desenvolvemento local autogestionario e solidario. Que o Banco non reproduza o modelo de financiamiento das actuais institucións financeiras internacionais de construción de mega-obras destrutivas do medioambiente e a biodiversidade. 12. O Banco do Sur debe ser considerado como unha ferramenta esencial para custodiar e canalizar o aforro, rompendo os ciclos recorrentes de exacción do esforzo nacional e rexional a través de manobras e negociados co endebedamento e títulos públicos, o subsidio a grupos económicos e financeiros privados privilexiados e/ ou corruptos locais e internacionais, e o aval permanente a movementos especulativos de entrada e saída de capitais. Todo iso entendémolo en liña co destacado pola Declaración Ministerial de Quito do 3 de Maio pasado, ao sinalar que: "Os pobos deron aos seus Gobernos os mandatos de dotar á rexión de novos instrumentos de integración para o desenvolvemento que deben basearse en esquemas democráticos, transparentes, participativos e responsábeis ante os seus mandantes." Preocúpannos as sucesivas postergaciones da sinatura do acta fundacional, que poden indicar a existencia de indefinicións significativas. Esperamos que, nas negociacións para superar estas indefinicións, se tomen en consideración as proposicións desta carta. A actual conxuntura económica e financeira rexional e internacional segue favorábel para dar pasos concretos neste sentido, pero pode non prolongarse. Confiamos en que Vds. aproveitarán esta posibilidade histórica para crear o que poderá volverse un verdadeiro Banco Solidario dos Pobos do Sur. Saudamos a Uds. coa maior distinción. SINATURASPara comunicarse co Xubileo Sur/Americas: |
| < Ant. | Seg. > |
|---|
 |
 |
Xulio Ríos-. A reforma da arquitectura financeira internacional está sobre a mesa. O obxectivo é dar cunha fórmula que impida a repetición das crises e asegure, ao tempo, unha maior participación dos países emerxentes nas institucións financeiras internacionais. 
Entrevista de Salvador López Arnal con Esther Vivas, autora de "En pé contra a débeda externa". 
"Non se trata de consumir máis comercio xusto senón de preguntarse se necesitamos o que imos consumir". Esther Vivas e Xavier Montagut, da Rede de Consumo Solidario, mantiveron unha entrevista en liña cos usuarios de Canle Solidaria sobre consumo responsábel e do que pasa con calquera produto desde que se fabrica até que chega ás nosas mans. A continuación, reproducimos algunhas das preguntas xurdidas durante a entrevista na que explican o seu punto de vista sobre o consumo responsábel.