A MARCHA NACIONAL CONTRA O PLANO ACUÍCOLA está convocada por plataformas sociais e colectivos de afectados/as de toda a costa galega. Baixo o lema POLA TUA COSTA, POLO TEU MAR: NON AO PLANO ACUÍCOLA faise un chamamento a todas as xentes de ben do país a berrar contra esta aberración ambiental, social e económica á que nos quere condear a Xunta. No Porto de Corrubedo, o domingo 4 de novembro de 2007 ás 12 da mañá. NON LLE FALLES AO NOSO LITORAL, NON LLE FALLES AO PAÍS!

Triste e desesperada emerxe a gran Duna, malia o silandeiro ar que a aloumiña e peitea sen desmaio, na soidade máis profunda permanece esta espectacular xoia natural desde o verán…

As declaracións do Presidente da Xunta no VI Congreso de Acuicultura en Vigo, louvando o Plano Acuícola polo "impacto cero" na Rede Natura e a criazón de "2000 postos de traballo", amosan un preocupante descoñecemento da realidade ambiental e social destas macroinstalacións.

PLATAFORMA MEDIOAMBIENTAL DE CORRUBEDO. Se no litoral incólume de Corrubedo os veciños e veciñas tiveran construído casas e alboios espallados ao longo da historia, hoxe non verían como a Xunta intenta expropiar todo un cabo para cederllo a unha empresa transnacional. A necesidade de grandes espazos libres para instalar industrias contaminantes fai que manter sete quilómetros de costa totalmente libres de edificacións se castigue coa expropiación. (Ler Manifesto). Preme na imaxe para acceder á información.

Colaboración de Xavier Queipo no Diario Cultural da Radio Galega. O texto foi emitido o 28 de Agosto.

É, xa que logo, o momento de dicir abonda; é o momento de loitar polas alternativas a esta desfeita, de loitar por outro modelo de crecemento, por outro modelo de desenvolvemento económico do país; é o momento de pór freo a destrución ecolóxica, xa que logo económica, de Galicia.

¿Acaso o impacto ambiental nesta nova zona proposta é menor? ¿308.000 metros cadrados de macrogranxa nun lugar virxe, como o tamén chamado O Corgo, de gran valor ecolóxico recoñecido, non leva aparellado un "forte impacto ambiental"?

Os fillos e as fillas do cabo verde de Corrubedo facemos un chamamento desesperado para liberar a nosa costa das poutas das transnacionais fabricantes do peixe. Unha piscifactoría, fábrica de peixes ao cabo, de 308.000 metros cadrados en territorio virxe é o noso premio por conservar, o castigo a ese cabo do mundo ao que só chegan os salseiros do mar. Corrubedo é aínda Terra Liberada. É xusto que á nosa terra liberada, ao noso litoral incólume, veña agora o poder dunha empresa transnacional para exercer o castigo da destrución? Velaquí as verbas do país:

CHAMAMENTO DA PLATAFORMA MEDIOAMBIENTAL DE CORRUBEDO AOS E ÁS INTELECTUAIS E ARTISTAS DO PAÍS

Con só darse un paseo polos campos da contorna de Teira e dos seus arredores, un dáse  conta da necesidade de conservar toda esta paisaxe.