Nun contexto de máxima hostilidade e violencia xéstase a V Caravana de Pallas@s en Rebeldía que sairá o 14 de abril desde Galicia e co apoio incondicional de Coperactiva Cultural e o Festiclown. Parte con tres galegos armados de narices vermellos para entregarse, unha vez máis, á fraternidade humana que derriba fronteiras en nome da dignidade. Do outro lado do océano, agardan un grupo de compañeiros en resistencia para facer realidade o soño da primeira compañía de pallasos zapatistas.