Un vento de xustiza social percorre o mundo… Unha conciencia global que non distingue entre norte e sur… Unha rede de redes horizontal, sen líderes nin xerarquías, que loita contra unha tolería que leva o nome de globalización neoliberal… Millóns de persoas néganse a que o mercado e o capital prevalezan sobre o social, o cultural, o político, o ambiental… sobre a vida mesma. Labregos, sindicatos, colectivos de mulleres, xentes sen terra, pobos indíxenas, obreiros, ecoloxistas, intelectuais, pescadores… Todos á xunta soñan cunha alternativa, cunha utopía que tocan coas mans e que está a transformar o ambiente ideolóxico do planeta. Para eles e elas faise ALTERMUNDO, o primeiro suplemento de prensa dedicado aos movementos antiglobalización. Cada derradeiro domingo de mes con Galicia Hoxe.